Қамқоршылық кеңесінің ХАТТАМАСЫ №4

 «12» мамыр 2022жыл                                                                  Қаскелең қаласы  

                                                                                        Қатысқандар саны - 25

Алматы облысы, Қаскелең қаласы, Қарасай аудандық білім бөліміне қарасты «А.Байжанов атындағы орта мектеп» коммуналдық мемлекеттік мекемесінде 12 мамыр күні қамқоршылық кеңес мүшелерімен жалпы ата-аналар жиналысы өткізілді. 

Күн тәртібінде: 

1. 2021-2022 оқу жылындағы әлеуметтік жағдайы жартылай жетім, көпбалалы, аз қамтылған отбасындағы оқушыларға оқу жылындағы көрсетілген көмектердің мәліметін беру;

2. Қайырымдылық пен өзге де пайдалы іс-әрекеттерді көптеп жүзеге асыру;

3. 1 маусым – халықаралық балаларды қорғау күніне балаларға сыйлық жасау мәселесі мен әлеуметтік жағдайы төмен (жартылай жетім, көпбалалы аз қамтылған) отбасыларға қаржылай,жан-жақты көмек көрсету;

4. Жылды қорытындылау.

Тыңдалды:

Күн тәртібіндегі жыл қорытындылау мәселесі бойынша мектеп директоры А.Сулейменова сөз алды. Оқу жылының аяқталуына байланысты мектеп бітіруші түлектердің ҰБТ – ке дайындығы мен емтихан тапсыру тәртібіне тоқталды. Сонымен қатар орын алған олқылықтарды жою мақсатында «жазғы мектепке» келу маңыздылығы айтылды. Мектеп ауласын безендіру мақсатында түрлі раушан гүлдер отырғызылғаны жөнінде айтты. «Жасыл Ел» жастар еңбек және құрылыс жасағына екі сыныптан, кезекпен мектеп оқушыларын жазғы еңбек маусымына қатыстыру мәселесі көтерілді. Жазғы демалыс кезіндегі оқушылардың қауіпсіздік шараларын ұстануының маңыздылығына тоқталды. Қамқоршылық кеңес төрағасы Ғ.Малдыбаевқа әлеуметтік педагог А.Ажикеевамен бірге жыл бойғы жасалынған жұмыстардың есебі берілді.

        Күн тәртібіндегі екінші мәселе бойынша Ғ.Малдыбаев сөз алып,  келесі оқу жылынан бастап қайырымдылық қызметтерін көптеп ұйымдастыруды ұсынды. 

Әлеуметтік педагог А.Ажикеева «Аялы алақан», «Қайырымдылық – игі іс» тақырыптарында түрлі көмек түрлері ұйымдастырылғанын, келесі оқу жылында көбейіп, жалғасын табатындығын айтып өтті.

Соны мен қатар күн тәртібіндегі үшінші мәселе бойынша балалар сыйлығына ұстаздармен бірігіп сый жасайтынын, ал аз қамтылған, көп балалы ата-аналарға сый жасауға Қамқоршылық кеңестің демеуші болуын ұсынды. 

         Сәйкесінше Қамқоршылық кеңес төрағасы сөз алып, 1 маусымға 10 аз қамтылған отбасы тізімін өткізсе, көмек берілетіндігін айтып өтті. Жиналыс соңында қамқоршылық кеңес мүшелері және ата-аналар, мұғалімдер өз ой-пікірлерімен бөлісті. 

Шешім: 

1. Қамқоршылық пен өзге де қайырымды іс-әрекеттер көптеп насихатталып, қайырымдылық қызметтері көптеп жүзеге асырылсын.

2. Әлеуметтік жағдайы жартылай жетім, көпбалалы аз қамтылған отбасындағы оқушыларға жан-жақты көмек көрсетілсін.

3.  1 маусым Халықаралық балаларды қорғау күні өз деңгейінде аталып өтілсін. Ата-аналарына қамқорлық көрсетілсін. 

4. Қамқоршылық кеңес мүшелері әлеуметтік жағдайы төмен жартылай жетім, көпбалалы, аз қамтылған отбасындағы оқушыларға жан-жақты демеушілер тартып, көмек көрсету шараларын ұйымдастыруға қатыстырылсын.

Жиналыс төрағасы                      Ғ. Малдыбаев 

                              Хатшы                                      А.Ажикеева

коммуналдық мемлекеттік мекемесі

2018-2019 оқу жылы

І-жартыжылдық бойынша «Қамқоршылық кеңесінің» есебі

«А.Байжанов атындағы орта мектеп» коммуналдық мемлекеттік мекемесінің «Қамқоршылық кеңесінің» 2018-2019 оқу жылына қойылған мақсаттары:

1.Білім беру ұйымына әлеуметтік-мәдени, сауықтыру және дамыту іс-шараларын өткізуге көмек көрсету;

2.Халықтың әлеуметтік осал жіктерінен шыққан білім алушылардың білім алуына, тұрмыс жағдайларын жақсартуына және еңбекпен қамтылуына ықпал ету;

3.Білім беру ұйымының қызметіндегі кемшіліктерді жоюға бағытталған ұсыныстар енгізу .

Осы мақсаттарға жету үшін төмендегідей жұмыстар жүргізілді.

2018 жылдың тамыз айынан бастап «Қамқоршылық кеңес» мүшелері біраз жұмыстарды атқарды. Жартылай жетім, көп балалы жанұя балаларына көмек көрсетілді.Атап айтсақ:

1.Қамқоршылық кеңесінің төрайымы 1 «Ә» сынып оқушысы Казак Сунатуллахқа киіммен көмек берді;

2.«Жас құтқарушылар» тарапынан – аз қамтылған және көпбалалы отбасына көмек берілді;

3.«Мектеп әкімшілігі» тарапынан – Казактар отбасына киіммен көмек берілді;

Сонымен қатар, мектеп мұғалімдері мен ата-аналар тарапынан әлеуметтік жағынан аз қамтылған, жетім, жартылай жетім балаларға азық-түлік, киім-кешек таратылды.

2018 жылы 25 желтоқсан күні Қарасай ауданы әкімі тарапынан аз қамтылған жартылай жетім отбасынан шыққан 1 оқушыға жаңа жыл мерекесіне орай қысқы киімдер, тәтті сыйлықтар берілді. Қаскелең қаласы әкімі шыршасына мектебіміздегі аз қамтылған, жетім, жартылай жетім отбасынан шыққан 5 оқушы қатысып , сыйлықтар үлестірілді.

«Қамқоршылық» кеңесінің төрағасы Наурызбай Асель

«А. Байжанов атындағы орта мектеп» коммуналдық мемлекеттік мекемесінің «Қамқоршылық кеңес» отырысының

ХАТТАМАСЫ

Өтілген күні:29.12.18 ж.

Қатысқандар: қамқоршылық кеңес мүшелері

1.Қамқоршылық кеңестің жылдық есебі

Отырысты қамқоршылық кеңес төрағасы Наурызбай Асель ашты. Қамқоршылық кеңестің жұмыс нәтижесімен таныстырды.

Наурызбай Асель – қамқоршылық кеңес төрағасы:

Мектебімізде әлеуметтік жағдайы төмен, аз қамтылған, жетім, жартылай жетім оқушылар анықталып, оларға мектеп тарапынан, Қаскелең қаласы әкімшілігінен, Қарасай аудандық әкімшілігінен, атап айтқанда, мектеп тарапынан аз қамтылған отбасына киіммен көмек көрсетілді.Қаскелең қаласы әкімшілігі ұйымдастырған шыршаға 5 оқышы қатысып, соның ішінде аз қамтылған, жетім, жартылай жетім балаларға сыйлықтар таратылды.. Жаңа жыл мерекесіне орай Қарасай ауданының әкімі «Апорт» сауда ойын-сауық кешенінде ұйымдастырылған шыршада мектебіміздегі 1 оқушыға қысқы сырт киім және бас киім, сыйлық берді.

Сонымен қатар, мектеп мұғалімдері мен ата-аналар тарапынан әлеуметтік жағынан аз қамтылған, жетім, жартылай жетім балаларға азық-түлік, киім-кешек таратылды.

1.Қамқоршылық кеңесінің төрайымы Қамқоршылық кеңесінің төрайымы 1 «Ә» сынып оқушысы Казак Сунатуллахқа киіммен көмек берді;

2.«Жас құтқарушылар» тарапынан – аз қамтылған және көпбалалы отбасына көмек берілді;

3.«Мектеп әкімшілігі» тарапынан – Казактар отбасына киіммен көмек берілді;

2018 жылдың тамыз айынан бастап «Қамқоршылық кеңес» мүшелері біраз жұмыстарды атқарды.

«Байжанов атындағы орта мектебі» КММ

ХАТТАМА №1

30.08.2017жыл Қаскелең қаласы

Қатысқаны :Ата-ана 155

Мектеп әкімшілігі

Сынып жетекшілер, мұғалімдер

Күн тәртібінде:

1. Қамқоршылық кеңес ережесімен таныстыру;

2. 2017-2018 оқу жылына «Қамқоршылық кеңес» құрамын бекіту;

3. Қамқоршылық кеңесінің нормативтік құжаттарымен таныстыру

(типтік ережесі)

Тыңдалды:

Күн тәртібіндегі 1-ші мәселе бойынша сөзді ДТІЖО А.Мойтыкова алып, Қаморшылық кеңс ережесімен таныстырды.

Қамқоршылық– білім беру жүйесін, ізгілік қызметтерін(білім беру, ғылым, мәдениет және өнер, спорт және денсаулық сақтау) қолдаумен байланысқан әлеуметтік белсенділік саласы.

Қамқоршылар– қамқоршылық жұмысын атқаратын қоғамдық және заңды тұлға.

Қамқоршылық кеңесі- қоғамдық бірлестік, бірге басқарудың қоғамдық-мемлекеттік түрлерін дамыту және білім беру жүйесі, ізгілік қызметтері мекемелеріне қолдау жасауға қосымша қаржы тарту мақсатында құрылады.

Қамқоршылық қолдау алатындар - қамқоршы бөлетін және тартатын қаржыға Қазақстан Республикасының жас ұрпағын дамытумен байланысқан білім беру жүйесін, ізгілік қызметтерін атқаратын қоғамдық және заңды тұлғалар.

№ 9 ЖОГМ ҚМ-нің Қамқоршылық кеңесі ҚР «Білім туралы» Заңының 44 бабының 9 тарауына сәйкес мектеп алқалық басқарудың түрі болып табылады.

Қамқоршылық кеңесі жалпы білім беру мекемесінің Жарғысы мен заңды тұлға статусынсыз осы Ереже негізінде әрекет жасайды.

Қамқоршылық кеңесінің мақсаты – білім беру мекемесінің дамуына қолдау жасау, қала аумағында жұмыс істейтін басқа ұйымдармен оның байланысын нығайту,заттай және ақшалай қаржыларды белсенді пайдалану.

Қамқоршылық кеңесі бюджеттен тыс қаржыларды ерікті құрбандық жасау, жеке тұлға мен мекемелердің қайырымдылық және демеушілік жарнасы, «ТҰРАҚТЫЛЫҚ-БІЛІМ» қайырымдылық есеп шотына заңмен қарастылыған қаржы көздері есебінен тартады.

Қайырымдылық және демеушілік жарнасынан түскен және қайырымдылық көрсетушілер қосқан қаржы есебінен сатып алынған барлық мүлік мекеменің меншігі болып табылады және бекітілген тәртіпте балансына алынады.

Қайырымдылық қызметі ҚР МК (сыйлық мен құрбандық ҚР МК 506,516 баптар) реттейтін келісім шарт қатынасы негізінде жасалады.

Қамқоршылық кеңес құрамы:

Қамқоршылық кеңес құрамына кіреді:
- әлеуметтік серіктестерінің өкілдері;
- қоғамдық ұйымдардың өкілдері;
- ата-аналар жұртшылығы мен педагогикалық кеңес өкілдері.

Қамқоршылық кеңесінің жеке құрамы білім беру мекемесінің жалпы жиналысының ұсынысы ескеріліп, білім беру мекемесінің әкімшілігімен қалыптастырылады.

Қамқоршылық кеңесінің төрағасы білім беру мекемесінің Қамқоршылық кеңесінің отырысында сайланады. Төрағасының өкілеттілік мерзімі Қамқоршылық кеңесіндегі оның басшылығы мерзімімен шектеледі.

Төрағасының орынбасары мен хатшысы Қамқоршылық кеңеспен сайланады.

Қамқоршылық кеңес мүшелерінің арасында тапсырмаларды бөлу кеңестің отырысында белгіленеді.

Қамқоршылық кеңесінің мүшелері өз тапсырмаларын өтеусіз негізде орындайды.

Осы Ережеге өзгерістер мен толықтырулар Қамқоршылық Кеңесінің жалпы жиналысымен енгізіледі және оның отырысында бекітіледі.

Қамқоршылық кеңестің міндеттері: 

Жалпы білім беру ұйымының жұмысының айқындығын арттыруға және жетілдіруге бағытталған бастамалар ұсыну және оны талқылау.

Жалпы білім беру ұйымының материалдық- техникалық базасы мен оқу базасын нығайту және жетілдіру, оның аумағы мен кабинеттерін көркейту.

Білім беру үдерісін іске асыру жағдайын жақсартуға, оқушылардың өмірі мен денсаулығын сақтауға жәрдем көрсету.

Мектеп органдарының жұртшылықпен тиімді қарым –қатынасы үшін жағдай жасау.

Мектептің білім берушілік,қаржылық, кадрлық әлеуетін күшейту.

ҚМ берілген қаражаттай және заттай бюджеттік қаржыны тиімді және анық пайдалану үшін механизм құру.

Қаржыландырудың қосымша көздерін мектепке тартуға жәрдем беру.

Оқушылардың заңды құқықтары мен мүдделерін қорғау.

Сондай-ақ, Қосымша бюджеттен тыс қаржыларды тарту және жұмсау түрлері мен тәртібі, Қамқоршылық кеңестің құқықтары мен міндеттері, Қамқоршылық кеңесінің іс-қағаздары, Қамқоршылық кеңестің қағидалары, Қамқоршылық кеңестің жұмысын тоқтату сияқты ережелермен таныстырып өтті.

Күн тәртібіндегі 2-ші мәселе бойынша әлеуметтік-педагог М.Ермекбаева сөз алып, 2017-2018 оқу жылына жаңа «Қамқоршылық кеңес» құрамын бекіту туралы ұсыныс айтты.

Кеңестің мақсат, міндеттерімен көпшілікті таныстырып кетті. «Қамқоршылық кеңесі білім беру ұйымына қолдау көрсету. Атап айтқанда, оның жарғылық функцияларының іске асырылуына, қаржылық қолдауды қамсыздандыруда, материалдық-техникалық базасының нығаюына септесу, сондай-ақ, оның қызметіне қоғамдық бақылау жүргізу» - деп келтіріп кетті. Сонымен қатар, жұмыс жоспары жасалып, қамқоршылық кеңес мүшелері

бекітілді. Қамқоршылық кеңсінің жұмыс істеу бағыты, білім беру ұйымының

білім беру, әлеуметтік-мәдени, сауықтыру, дамыту бағыттарындағы іс-

шараларды ұйымдастыруға көмек көрсету, әлеуметтік тұрғыдан әлсіз

қамтылған отбасыларынан шыққан оқушылардың тұрмыстық жағдайлары

мен жұмыспен қамтылуын жақсарту, білім беру ұйымының қызметіндегі

кемшіліктерді жоюға бағытталған ұсыныстарды енгізу, білім беру ұйымы

басшылығының Қамқоршылық кеңесі алдындағы есебін тыңдап - қабылдау.

Барлық жиналысқа қатысқандар төмендегі комиссия мүшелерін мақұлдап, бір

ауыздан қолдап, ұсыныс жасады.

- Қамқоршылық кеңесінің төрағасы: Тұрғамбаева Нағым

-Қамқоршылық кеңестің орынбасары: Тулеева Жанар, Букебаев Куаныш (жеке кәсіпкер)

-Мүшелері: Тойжанова Айгуль (ата – ана)

-Тоқбаев Саулет (ата-ана)

-Қаратамыр Мехмед (ата-ана)

-Сулешова Алия (ата-ана)

-Жуман С (ата-ана)

-Мойтыкова Асем (тәрбие орынбасары)

- Хатшы: Ермекбаева Мақпал (әлеуметтік-педагог)

 Демеуші Букебаев Куаныш өз ойын айта келе, кеңестің жұмыс істеу бағыты, функцияларымен таныстырып өтті.

-Білім беру ұйымын дамытудың басым бағыттары бойынша ұсыныстар дайындау

-Қайырымдылық көмек тарту және білім беру ұйымының оны жұмсау мен мақсатты бөлу жөніндегі шешімдерін мақұлдау

-Білім беру ұйымы қызметіндегі Қамқоршылық кеңесінің айқындаған кемшіліктерді жою жөніндегі ұсыныстарды енгізу

-Білім беру ұйымы басшысының мекеме қызметі бойынша есебін (қайырымдылық көмектің жұмсалуы, жетім және ата-ана қамқорлығынсыз қалған балалардың жағдайлары жөнінде, т.с.с.) тыңдау

-Білім беру ұйымының оқушылары мен тәрбиеленушілеріне жасалған жағдаймен таныс болу;

 Келесі мәселе бойынша, тәрбие орынбасары А.Мойтыкова Қамқоршылық кеңесінің типтік ережелір мен нормативтік құжаттарын таныстырып өтті. Ереже бойынша Қамқоршылық кеңесінің жұмыс жасау бағыты, кеңестің қызметі, айта кететін болсақ: төрағасы, хатшысы, мүшелерінің жеке – жеке қызметімен таныстырылды.

Шешімі:

1.Қамқоршылық кеңесінің мүшелері, жұмыс жоспары жасалып, бекітілсін.

2.Қамқоршылық кеңесінің бағыты мен жұмыс жасау функциялары өз уақытында істелінсін.

Жиналыс төрағасыГ.Аханова

Хатшы М.Ермекбаева